ومن احياها كمن احيا الناس جميعا

احنا فى ايام جميلة وايمانية وروحانية وداخل علينا رمضان والخير بينزل على المحتاجين زى المطر والحمد الله فى 2008 عملنا اكتر من 10 الاف شنطة حوالى 10000 و500 تقريبا او 450 عشان الامانة بس ودى بعض من صور السنة اللى فاتت

صور شنطة رمضان 2008 1

2

3

4

5

6

7

8

9

10

11

12

تخيلوا عشر الاف شنطة فى شهر واحد 30 يوم
وفى 11 شهر تانين بيوت الغلابة مبتتشفش ولا حد حتى بيسال عليهم
مع ان فى ايدك تفتح بيتهم طول السنة
بساعة واحدة فى اليوم او الاسبوع
اية الهبل دة ساعة تفتح بيت فقير انت هتعيشى؟
والله ابدا مش بعيش
الحكاية ببساطة انا باخد ثواب مضاعف فى رمضان وبكتفى طب بساعة واحدة 60 دقيقة باخد ثواب الحسنة بعشرة امثالها وبساعد انى مخليش الفقير يمد ايدة لحد تانى

كملى كملى ازاى بقى بالساعة دى اساعد حد؟
فى مشروع عندنا فى صناع اسمة انسان بيعاج الفقر والجهل بناخد الاولاد اللى سابوا التعليم بسس فقرهم بنرجعهم المدارس وبنعمل لاسرهم مشاريع يصرفوا منها
احنا بقى بساعة واحدة نقدر ناتبع الولد فى تعليمة او مدرستة وفى المكان اللى عايش فية يعنى بيتفاعل ازاى مع غيرة والناس اللى فى سنة وبنتابع المشاريع
كل دة فى ساعة؟
طبعا لا انت بتاخد ساعة تتابع حاجة واحدة عايز تتطوع اكتر من كدة بالوقت لنفس الحاجة انت حر
عايز اجى معاكوا اعمل اية وياريت توضحيلى الثواب اللى انا باخدة؟
اولا بتروح اى فرع لصناع الحياة فى محافظتك وتقولهم عايز اتطوع طبعا هيكلموك عن كل حاجة اختار مشروع انسان او اللى يعجبك
اما الثواب طبعا دة ثوابه عظيم انت غيرت اسرة بالكامل مش فرد واحد وكمان نشلتها من الفقر المدقع اللى هيا عاشت فية
وكمان كام سنة هتتحول الاسرة من اسرة مستهلكة محتاجة ليك لاسرة منتجة تصرف على غيرها من المحتاجين وتخيل بقى الثواب من الدعاء الى كل خطوة الاسرة بتعملها فى طريق التغير
الى مشاهدة الولد وهو بيخطوا حياتة على انه انسان مخير وليس شيئ مسير يعمل اللى غيرة عايزة دى بالدنيا كلها
يوم مانموت الحجات دى هى اللى هتقعدلنا احنا اللى عملنا الشخص دة مفيد للاسلام وربنا يكرمنا على قد نيتنا
طب المشروع دة هيشتغل امتى؟
انت لسة فاكر المشروع شغال بقالوا سنة يلا الحق حاجة من الثواب
طب هل فى حجات ناجحة انت شفتها اسر يعنى؟
انا شخصيا معايا اسرة والحمد الله اتغيرت كتير عن زمان
احكيلى شوية كدة عن صناع اصلى معرفهاش؟
على فكرة انت رغاى اوى والبنات هتزق مننا اقرى انت والبنات اللينكات دى
توضيح مشروع انسان

http://forums.fatakat.com/thread56142
دة بقى كل حاجة عن صناع الحياة

http://forums.fatakat.com/thread153002

ودى حالة الاسرة اللى معايا

http://forums.fatakat.com/thread161613

جزاكم الله خيرا يا بنات وعموما افتكروا ان فى شهر بتطلع 10 الاف شنطة نقدر نطلع 10 زيهم ونكفى الناس دى السؤال

اذا اعجبك الموضوع

» حصريا كليب تامر حسنى تاعبة كل الناس