قالوا بتحب مصر؟قلت ...أنا مش عارف
قالوا بتحب مصـر؟ أنا قلت مش عارف
الحب معنى جميـل، والهـوى جارف
واللي يحب يبـذل لمحبـوبه المستحيـل
والحب أخذ وعطا، ومصر تشغي مخاوف.
قالوا بتحب مصر؟ أنا قلت مش قصدي
ومين بإيده الحب، من قبلي ومن بعدي؟
أهو نصيب وانكتب، والحب فيَّا راقات
ورضيت بحظي، ومطلبي أفضل على وِدِّي.
قالوا بتحب مصر؟ أنا قلت مش فاهم
الحب غزو وقسر، وطبعه كدهدايم
من يوم ما فتحت العيون مصر هي الأم
وانا في حب الأم والله كدههـايم.
قالوا بتحب مصر؟ أنا قلت "مين غيرها"؟
مالية عليّ كياني، وما اعيشَّي من غيرها
نسمة عصاري على الترعة،!! وريحة الأرض
معششة في روحي، وكل حياتي من خيرها.
قالوا بتحب مصر؟ أنا قلت مين يعلم؟
الحب في كياني وقلبي منه ما بيسلم
والحيرة مليـاني، جوايَّـا بتصـرَّخ:
اكتم هواك أحسن بكره راح تنـدم.
قالوا بتحب مصـر؟ أنا قلت ما هي خيبة
عمري ما اقسى عليها، وهي أحلى حبيبة
قالـوا بتحب مصر؟ أنا قلت متحيَّـر
في كل من حولي ألاقى نفسي متخيَّر
واقول أيوه، ولأ، ورأيي من راسـي
وفيك يا مصر حب القلب متسيَّـر.
الرئيسية 
لشكاوي الاعضاء والزوار 
قوانين المنتدي 
16/12/2011, 1:46 pm من طرف bebo
