مكرونة بالسى فود

مكرونة بالسى فود



مكرونة فيونكات - جمبرى - سبيط - سمك فيلية - كابوريا - جندوفلى -
ثوم - ملح - فلفل- معلقتين زبدة - كمون - ليمون - حليب
الطريقة
(ملحوظة :ممكن تشتريها جاهزة )
اولا طريقة عمل المكرونة
كيلو دقيق - 100 جم زيت - 3 بيضات - 50 جم حليب - زرة ملح
اضع على الدقيق الزيت وزرة الملح و2 بيضة فقط واخلطهم بأيدنا كويس ثم اضع
عليهم الحليب وافضل اعجن بأيدى وحتكون العجينة جامدة وانتم بتعجنوا ثم
اضع البيضة اللى باقية عندنا واكمل العجن على الرخامة كويس
ارش الرخامة دقيق وافرد العجينة بالنشابة مع رش دقيق على وشها
وتحتها اثناء الفرد
اقطع العجينة شرائح بالطول ثم بالعرض حتتكون عندك مستطيلات صغيرة
تاخدى كل مستطيل وتضغطى علية بصوابعك من النص حتتكون عندك
شكل الفيونكة تضعيها فى الماء المغلى تتسلق وتستخدميها
عادى مثل الجاهزة بالظبط
اضع فى المقلاية معلقتين زبدة واشوح فيها الثوم المهروس ثم اضع
الجمبرى - سبيط - سمك فيلية - كابوريا - جندوفلى والملح والكمون
والفلفل واقلب فيهم كويس لمدة 10 دقايق ثم اضع المكرونة
الفيونكة واقلب تقليبتين تلاتة ثم اضع نص كوب حليب او كريمة لبانى
واقلب لحد ماتاخد غلوة او غلوتين
وبالهنا والشفا

عم ميدو اهدي شويه انا جعان وابقي عد صوبعك
والله شكلها روعه لكن مش مستريح للمكرونة معي الجمبري
لكن هجرب

شكرا يا مان